පුතා තාත්තාට තුෂාර අංකය පැහැදිලි කල හැටි :P

සචිත්‍ර ඩිලාන් විද්‍යාරත්න කෝටිපති කොන්ත්‍රාත් ව්‍යාපාරිකයකි. ඔහුට BMW වර්ගයේ අධි සුපෝපභෝගී වාහනයක් තිබේ. තවද වයස නිසා ඇස් පෙනීමේ දුර්වලතාවක් ඇති ඔහු තම වාහනය පදවන විට පුරුද්දක් ලෙස ඇස් කන්නාඩි පළදියි. ඔහුට, ඔහු සෑම විටම පාහේ AC සහිතව ගමනක් ගොස් වාහනයෙන් බසින විට ඔහුගේ ඇස් කන්නාඩියේ වීදුරු මතුපිට පෘෂ්ටයේ ජලවාෂ්ප බැදෙන බව නිරීක්ෂණය විය. මේ බව ගණිත අංශයෙන් උසස් පෙළ හදාරන තම ආදරණිය පුතුගෙන් විමසූ විට....

පුතු ගත් කටටම මෙසේ පිළිතුරු දුනි.

පුතා : තාත්තේ, ඔයාගේ කණ්ණාඩියේ වීදුරු පෘෂ්ටයේ මතුපිට උෂ්ණත්වය පරිසරයේ තුෂාර අංකයට වඩා පහල ගිය නිසා එසේ වීදුරු පෘෂ්ටය මත ජලවාෂ්ප බැදුනා.

තාත්තා ලප් තැනම ලොප් විය.

තාත්තා : තුෂාර...

(ආයෙනම් මේකගෙන් මුකුත් අහන්නේ නැහැ. තාත්තට සිතිනි.)

සත්‍ය කතාවකි - නම් ගම් මනකල්පිත වේ.

"වසරක මැද අලුත් පාසලක ඉගෙනගැනීම" සුන්දරද එතරම්

සමන් ඩයස් සිල්වා අලුත් පාසලට ගියේ අද උදේය. ඔහු ඊයේ දවස ගැන සිහි කළේය. ඊයේ පරණ පාසලෙන් සමුගත් දිනයයි. සමන් පාසලේ ජනප්‍රිය සිසුවකි. විශේෂයෙන් ඔහු ඉගෙන ගන්නා 10 ශ්‍රේණියේ ජනප්‍රිය සිසුවකි. එදා ඔහුගේ පන්තියේ ඉගැන්වීමක් නැත. හැමෝම ඔහුට සමු දෙන්නට ශෝක ගී ගයනා කලෝය. “අනේ අපිව අමතක කරන්න එපා” සමහර ළමයි කීවෝය. “අපිට සමන් නැතිව පාලුයි. දැන් ඉතින් පන්තියම පලු වේවි.” සමහරු කීවෝය. ගුරුවරු කිවේ “ඇයි අපිව දාල යන්නේ, අපි හොද නැද්ද” කියාය. මේ සෑම දෙයකටම සමන් අහිංසක හිනාවක් පෑවේය. ඔහුටද දුකය. එහෙත් කුමක් කරන්නද, දෙමාපියන් මේ පාසලට එතරම් කැමති නැත. සමන්ද විනෝදයෙන් සිටියා මිස වැඩිය අධ්‍යාපන කටයුතු සදහා හිත යොමු කළේ නැත. ඔහු පාසලේ කැන්ටිම වෙත යන විට පහළොස්  දෙනෙකුට වඩා ඔහුට Hi කියනු ඔහුට මතකය. ඔහුව ශේණියේ පන්තියේ නොදන්නා කෙනෙක් නැත. ගුරුවරුද ඔහුට ආදරයේය. ඔහු එම පාසලේ පළමු ශේණියේ සිට ඉගෙනුම ලබන සිසුවකි.

ඔහුට අද උදේ සිහිපත් විය. කිසිදු ගුරුවරයෙක් ඔහු හා වැඩි කතාවට ආවේ නැත. ළමයින් විශේෂයෙන් ඔහු හා බජනයට ආවේ නැත. “Hello සමන් සින්දුවක් කියමුකෝ”, “සමන් මචං කොහොමද ඉතින්” යයි සතුටු සාමිචියක් නැත. කැන්ටිමට යන විට කිසිවෙකුත් Hi කිවේ නැත. ගුරුවරු ඔහු සමග නොරුච්චුවට මෙන් කතා කලෝය. ළමයිද එසේය. දැන් ඉතින් මෙහෙම සමන්ට තව වසරක් ඉගෙනුම ලැබීමට සිදුවෙනු ඇත.

ඔහුගේ අධ්‍යාපනය අඩාල වේවිදෝ!!!!

(කතාව මෙසේය.)

ඉතිහාසයේ පුදුම සහගත උසස් පෙළ විභාගය - 2011 A/L

කමල් ටෙශාන් වේරගොඩ 2011ගණිත අංශයෙන් ගම්පහ දිස්ත්‍රික්කයෙන් පළමු වර උසස් පෙළ හැදෑරු ශිෂ්‍යයකි. මුලින් 2011 November ප්‍රතිඵල එනවා යයි ආණ්ඩුව(අධ්‍යාපන අමාත්‍යයංශය) නිවේදනය කළේය.

එහෙත් ප්‍රතිඵල ආවේ නැත,කමල්ට දැන් ප්‍රතිඵල එනතුරු ඉවසුමක්ද නැත. 2008 A/L, 2009 A/L  සහ 2010 A/L ප්‍රතිඵල ආවේ දෙසැම්බර් මුල් සතියේය. එහෙත් 2011 ප්‍රතිඵල ආවේ නැත. කමල් පමණක් නොව සියලුම A/L ශිෂ්‍යයන්, මාධ්‍ය සහ මුළු රටම කැලබුණි. කෝ A/L results යැයි හැමෝම ඇසුවෝය.

එහෙත් ඇතුලෙන් මහා ගින්නක පෙර නිමිති පහල වෙමින් තිබිණි. අධ්‍යාපනයට සම්බන්ධ වගකිවයුතු පිරිස් z-score යන අකුරු 6 වචනය ලඝු කොට සලකූහ.

අවසානයේ ජනාධිපතිතුමා මැදිහත් වී 2011 දෙසැම්බර් මස අවසාන සතියේ දිනක මධ්‍යම රාත්‍රියේ ප්‍රතිඵල අන්තර්ජාලයට නිකුත් කෙරුණි.

කමල්ද මධ්‍යම රාත්‍රිය වනතෙක් නිදි වර්ජිතව ප්‍රතිඵල අපේක්ෂාවෙන් පසුවිය.

ප්‍රතිඵල නිකුත්විය.

අවාසනාවකි, ඉංජිනේරු අංශයට තේරීපත් වීමට බලාපොරොත්තුවෙන් සිටි කමල්ගේ results Mathematics – A, Physics – C, Chemistry – B විය. Z-score – 1.4998 & District rank – 218 විය. මෙය ඉංජිනේරු අංශයට නොව පරිගණක අංශයටවත් යාමට නොහැකි ප්‍රතිඵලයකි,

අවාසනාවකි...

හෙරක් කොටු වේ.

CCTV Camera System එකක් නිසා හෙරක් කොටු වූ සත්‍ය සිදුවීමකි.

ධර්මේ අයියා : හලෝ නිර්මාල් මල්ලි, මම ධර්මේ අයියා කතා කරන්නේ,

නිර්මාල් : හලෝ අයියා කියන්න...

ධර්මේ අයියා : මල්ලිට පුලුවන්ද CCTV කැමරා එකකින් පහුගිය දේවල් බලන්න.

නිර්මාල් : පුළුවන් වේවි අයියෙ බැරි වෙන එකක් නැහැ, ඇයි මොකද ප්‍රශ්නේ?

ධර්මේ අයියා : බලන්න මල්ලි අක්ක purse එක super market එකේ දාල ඇවිල්ල, එකේ එවුන් දන්නේ නැහැලු CCTV එකෙන් බලන්න, මට කිව්වා පුළුවන් කෙනෙක් එක්කගෙන ඇවිල්ල බලාගන්න කියල, අනේ මල්ලි පුළුවන් නේද, ඒ උදවුව්ව කරන්න....

නිර්මාල් : ප්‍රශ්නයක් නැහැ අයියෙ මම එන්නම්,

ධර්මේ අයියා : එහෙනම් මම හවස 3 ට විතර එන්නම්, ලෑස්ති වෙලා ඉන්න,

නිර්මාල් : ok

නිර්මල්ට වැඩේට කැමති විය. කවදත් අනුන්ට උදවු කරන නිර්මාල්, හොරු අල්ලනවා වැනි වික්‍රම ක්‍රියා වලටද ඉතා කැමතිය. ඒත් ඔහු මීට පෙර CCTV කැමරා එකකින් පහුගිය දේවල් බලා නැත, විරය වෙන්න ගිහින් චොර වේවිද??? :P ඔහුට සිතිනි, ඒත් මම යනවා, ඔහු සිතුවේය.